دستور يا"اخوان"
دستور .. دستور يا"اخوان"
قبـل ما نغرق فـى الطوفــان
ولا نـقـدرش نعلّـى الصوت
والحريــة ها تبقـى جنان !!
واللى هيشكى واللى هيبكى
منتظـرو مليــــون سجــــان
دستور .. دستور يا"اخوان"
****
ترفع راسك .. هايصادروها
وان غـنيت تخــرج ع الديــن
ونســبّح لـرجــال السُـلطــــة
ولخيرهم حامدين شاكرين !!
وها نبقــى نصـرانى ومســلم
وبلدنــــا ها ترجـــع قـرنيــن
والعلـــم ها يبقـــى الكتــاتيب
والقاضــــى هــــو السـجــان
دستور .. دستور يا"اخوان"
****
يا جماعــــه .. بيفرّقــوا فينا
ويلمـــوا فلــول الأنــــــــدال
وما تفـــرق جلابيـــه ولحيـه
عن ســوزى وحسـنى وجمال
الغايــــــه يتحكمـــوا فينــــــا
والحـــال ها يكون أسوأ حال
وها تدفــع جزيــه وتطاطــى
وها تنســــى إنــــك إنســـان
دستور .. دستور يا"اخوان"
